Xornal Galego 
Queixa presentada diante da Valedora do Pobo pola Asociación Galega de Pais e Nais Separados denunciando a escaseza de recursos e procedementos a disposición dos xulgados que tratan de cuestións de familia A AGPNS tenlle trasladado ao longo dos anos ás institucións galegas a existencia reiterada de déficits institucionais cuxas consecuencias quedan normalmente ocultas
Queixa presentada diante da Valedora do Pobo pola Asociación Galega de Pais
e Nais Separados denunciando a escaseza de recursos e procedementos a
disposición dos xulgados que tratan de cuestións de familia
A AGPNS tenlle trasladado ao longo dos anos ás institucións galegas a
existencia reiterada de déficits institucionais cuxas consecuencias quedan
normalmente ocultas no ámbito privado. Porén, constatamos a insuficiencia de
medidas adoptadas e o continuo de casos afectados. Por iso, formulamos
queixa contra a Xunta de Galicia e o Tribunal Superior de Xustiza de Galicia
con motivo da escaseza de recursos humanos e materiais, xunto cos protocolos
de actuación necesarios, que resulten nunha atención efectiva das
necesidades dos/as menores cando se precisan avaliacións e intervencións
psico-sociais en familias con situacións conflitivas
A Asociación Galega de Pais e Nais Separados presentou este mércores 2 de
novembro de 2022 o correspondente escrito de queixa, onde lle testemuñamos á
Valedora a relevancia social da axeitada resolución dos procesos de
separación de parella conflitivos e lle solicitamos que interese á
Administración da Xunta de Galicia e ás autoridades xudiciais as causas de
tal dilación. Asemade, que inste a que se doten os recursos humanos e
materiais necesarios que resulten nunha atención efectiva das necesidades
dos/as menores, con un tempo de resposta acorde coas súas idades e
circunstancias, evitando novas situacións de desamparo.
Solicitámoslle, así mesmo, unha entrevista para poder examinar as
posibilidades de actuación ao respecto da problemática descrita.
Autor
Leave a Comment
You must be logged in to post a comment.