As autoridades sanitarias retiran dous produtos de Grefusa pola presenza de leite non declarado

Os produtos afectados foran distribuídos en puntos de venda ao consumidor final de todas as comunidades autónomas fóra de Navarra. Grefusa iniciou o proceso de retirada dos produtos para proceder ao seu reetiquetado

A Axencia Española de Consumo, Seguridade Alimentaria e Nutrición deu orde de retirar do mercado varios lotes de gusanitos e flocos de millo da marca Grefusa tras recibir unha notificación de alerta trasladada polas Autoridades Sanitarias da Comunidade Valenciana relativa á ausencia de lista de ingredientes e presenza de leite non declarado nos dous produtos fabricados en España.