Astrónomos do Centro Harvard-Smithsonian de Astrofísica estiman que a forma alargada do primeiro asteroide interestelar coñecido, ‘Oumuamua’, opera como unha vela que explica a súa inesperada aceleración. Dando máis interese ao asunto, especulan mesmo coa posibilidade de que o obxecto teña unha orixe artificial e fose deseñado para a viaxe de recoñecemento interestelar por unha civilización avanzada, pero cuxa misión terminase e converteuse no refugallo dun naufraxio.

Tamén científicos da NASA están a estudar con profusión o fenómeno, que cualifican de “emocionante” polas novidades que está a achegar ao campo da astronomía. Con todo, a axencia aeroespacial en ningún caso contempla unha eventual intervención de extraterrestres no devir do ‘Oumuamua’.