A Deputación da Coruña destina máis de un millón de euros aos festivais de música, artes escénicas e audiovisual Achega 491.835 € ás entidades organizadoras que se suman aos 539.584,94 dos concellos 16/07/2018|Deputación da Coruña Máis de un millón de euros destina a área de Cultura da Deputación da Coruña a entidades e concellos
Achega 491.835 € ás entidades organizadoras que se suman aos 539.584,94 dos concellos
16/07/2018|Deputación da Coruña
Máis de un millón de euros destina a área de Cultura da Deputación da Coruña a entidades e concellos que organizan festivais de música, artes escénicas e audiovisual. O BOP publica hoxe a resolución da liña pola que se achegan 491.835 euros ás entidades que se suman aos 539.584,94 que inviste nos festivais organizados polos concellos. Con estas dúas liñas a Deputación da Coruña sitúase á cabeza do apoio institucional aos concellos.
Máis de trinta entidades reciben axudas da Deputación da Coruña para organizar festivais culturais nunha liña de concorrencia competitiva á que se destinan 491.835 €. Festivais como FIOT de Carballo, o Freakemacine da Coruña, o Festival das Carrilanas de Esteiro, o Irmandiño de Moeche, o Grelo Folc de Monfero, o Río Castro de San Sadurniño, o Feito a Man de Santiago o Festival da Luz de Boimorto, a MICE de Santiago, a Festa da Carballeira de Zas ou o Folk in Rio de Touro son algúns dos eventos que a Deputación da Coruña apoia na convocatoria dirixida a entidades organizadoras de festivais.
O orzamento que se destina ás entidades sen fins de lucro para a organización de festivais súmase á convocatoria dirixida aos concellos que promoven festivais ás que nesta nova edición a Deputación da Coruña achega un total de 539.584,94 €.
“A aposta polos festivais está á vista nestas dúas liñas que promovemos desde a área de Cultura da Deputación da Coruña polas que queremos afortalar o sector cultural e apoiar a difusión e promoción da cultura”, explica a vicepresidenta e responsábel da área de Cultura da Deputación da Coruña, Goretti Sanmartín Rei. Ao seu ver, os festivais supoñen “extraordinarios escaparates da música, as artes escénicas e o audiovisual e convértense en atractivos turísticos de primeiro nivel”.
En total, por volta de sesenta festivais reciben financiamento da Deputación da Coruña, nesta nova edición das convocatorias públicas, 33 organizados por entidades e 26 polos distintos concellos da provincia. Entre os eventos figuran algúns dos de maior tradición no calendario cultural como o Festival Internacional do Mundo Celta de Ortigueira que se está a celebrar na actualidade, o do Queixo de Arzúa ou a Carballeira de Zas canda outros de máis recente creación como o Festival Internacional de Blues de Fisterra, entre os do ámbito musical.
En audiovisuais, eventos como Cineuropa e Curtocircuito, a Mostra de Curtametraxes Vila de Noia, Chanfaina Lab, Carballo Interplay, Freakemacine, S8 ou MICE no audiovisual ou FIOT, Titiriberia, Atlántico ou a Mostra de Teatro de Cariño nas artes escénicas son algúns dos eventos apoiados pola Deputación da Coruña.
SUBVENCIóNS A CONCELLOS E ENTIDADES LOCAIS PARA O APOIO AO DESENVOLVEMENTO DE FESTIVAIS AUDIOVISUAIS, MUSICAIS E DE ARTES ESCéNICAS. | ||
Entidade | Obxecto | Concedido |
AMES | CINEMA CRIANZA – FESTIVAL INTERNACIONAL DE CINE INFANTIL | 25.575,00 |
ARZúA | FESTIVAL DO QUEIXO 2018 | 30.662,50 |
BERGONDO | FESTIVAL FOLK GUíSAMO 2018 | 7.962,50 |
BETANZOS | VAI DE RúA 2018 | 2.581,16 |
CAMBRE | XXVII ROCK IN CAMBRE 2018 | 35.000,00 |
CARBALLO | CARBALLO INTERPLAY | 39.835,53 |
CARIñO | XL MOSTRA DE TEATRO DE CARIñO | 12.703,42 |
CARNOTA | MARES DA FIN DO MUNDO – MOSTRA INTERNACIONAL DE CINEMA DOCUMENTAL | 4.411,56 |
CEDEIRA | TRAZ OUTRO AMIGO TAMBéN – II FESTIVAL DE MúSICA GALEGA-PORTUGUESA | 3.387,52 |
FISTERRA | II FESTIVAL INTERNACIONAL DE BLUES DE FISTERRA – FISTERRA BLUES EXPERIENCE | 25.000,00 |
LOUSAME | III FESTIVAL DE MAXIA DE LOUSAME-FESTIMAXIA | 2.625,00 |
NARóN | MOTIX – 34ª MOSTRA DE TEATRO INFANTIL E XUVENIL | 16.500,00 |
NEDA | NOITE DE BOLOS | 3.434,55 |
NOIA | NOIA JAZZ 2018 | 3.675,00 |
NOIA | XIX MOSTRA DE CURTAMETRAXES VILA DE NOIA | 45.000,00 |
NOIA | V FESTIVAL INTERNACIONAL DE ARPA VILA DE NOIA – NOIA HARP FEST | 5.848,00 |
OLEIROS | RúA EXT-CéNICA: II FESTIVAL DE ARTES ESCéNICAS NA RúA | 2.502,50 |
ORDES | VII FESTIVAL DESORDES SONORAS | 3.705,63 |
ORTIGUEIRA | FESTIVAL INTERNACIONAL DO MUNDO CELTA DE ORTIGUEIRA 2018 | 85.000,00 |
RIANXO | FESTIVAL NOITES DE JAZZ 2018 | 5.000,00 |
SADURNIñO | CHANFAINA LAB | 4.480,00 |
SANTIAGO | XV FESTIVAL INTERNACIONAL DE CURTAMETRAXES ‘CURTOCIRCUITO 2018’ | 84.150,00 |
SANTIAGO | XXXII FESTIVAL INTERNACIONAL DE CINEMA CINEUROPA | 62.000,00 |
C VIMIANZO | ASALTO AO CASTELO DE VIMIANZO | 22.426,64 |
ZAS | FESTIVAL DE CINEMA PREMIOS FOUCIñO | 2.355,93 |
MARIñAS | XIV FESTIVAL INTERNACIONAL DE TíTERES CONSORCIO AS MARIñAS – GALICREQUES | 3.762,50 |
TOTAL CONCEDIDO: | 539.584,94 |
Leave a Comment
You must be logged in to post a comment.