Hoxe fai dez anos do accidente de Spanair

O 20 de agosto de 2008 o voo JK5022 de Spanair, que cubría a ruta Madrid-Gran Canaria, estrelouse pouco despois de despegar no aeroporto de Madrid-Barallas protagonizando unha das traxedias aéreas máis graves en España, na que faleceron 154 persoas e outras 18 resultaron feridas. A illa de Gran Canaria e Madrid lembrarán hoxe aos 154 falecidos, con actos e ofrendas florais para conmemorar este décimo aniversario.