Aínda que non o creas, unha dieta pouco saudable pode sobre activar o sistema inmunitario.

Unha inxesta elevada de graxas e azucre permite que as células inmunitarias reaccionen coma se tratásese dunha infección bacteriana; continuando o efecto mesmo despois de adoptar hábitos alimenticios saudables.

Neste caso, un grupo de investigadores da Universidade de Bonn conxuntamente en colaboración coa Universidade de Massachusetts, realizaron experimentos con ratos para determinar de que forma a dieta pode afectar o sistema inmunitario, durante 4 semanas.

A dieta dos roedores foi rica en lípidos e hidratos de carbono, con baixo contido en fibra. Tras a inxesta, os animais experimentaron unha reacción inflamatoria, incrementando o número de células do sistema inmunitario en sangue, especialmente de monocitos e granulocitos.

Segundo os resultados, a orixe desta proliferación anómala sería a medula ósea. Así pois, os científicos illaron células do tuétano do óso e analizaron o seu xenoma. Os datos suxiren que a dieta occidental re programa a expresión dalgúns xenes, concretamente aqueles relacionados coa multiplicación celular. Entón, ao momento de proporcionar aos ratos unha dieta máis sa e balanceada, a inflamación diminuíu, pero os cambios observados a nivel xenético persistiron, provocando modificacións epigenéticas, alteracións no empaquetamiento do ADN, que afectarían á expresión da información xenética das células.

Os científicos destacan nos seus resultados, a capacidade desta dieta rica en graxas e azucares para activar a memoria do sistema inmunitario; despois dunha infección, as células inmunitarias poden lembrar algúns patógenos; así pois, ante unha invasión, a resposta é máis rápida e eficaz.

As mostras dos roedores demostraron que neste caso é a dieta occidental, e non un microorganismo, quen mantén as defensas do organismo en constante alerta, é dicir, sobre activadas. Este resultado tamén se observou en células humanas.

A realidade é que estes descubrimentos suxiren que unha alimentación inadecuada pode desenvolver problemas de saúde, como enfermidades cardiovasculares ou diabetes de tipo 2.

Esther R. | Xornal Galego